jueves, 6 de octubre de 2011

Acòrd entre Conselh Generau e Baqueira Beret de reduccion d'un 50% en prètz deth forfait de temporada entà toti es joeni d'Aran



Dimèrcles, 05 de Octobre de 2011
Dempús de mantier dues amassades, eth sindic d’Aran, Carlos Barrera e es maxims responsables de Baqueira Beret, Sr. Jesús Serra, conselhèr delegat de Baqueira Beret e Sr. Aureli Bisbe, director generau dera madeisha empresa, an mostrat era sua satisfaccion pes acòrds artenhuts en çò que tanh as descompdes entà toti es joeni d’Aran a compdar d’aguesta pròplèu temporada.
Er acòrd des negociacions, se tradusís en hèt que per un biais s’alongarà un an mès eth forfait de joeni de 16 a 17 ans e per aute ua reduccion deth 50% deth prètz deth forfait de temporada entà toti es joeni d’Aran d’entre 18 e 25 ans, que complisquen es requisits fixats per Baqueira Beret. Çò que supòse passar de 940.-€ a 470 .-€ per persona.
Es dues parts coïncidiren que damb aguesti acòrds, se da responsa ara totalitat des joeni d’Aran e se mielhore era demana qu’iniciauments s’auie plantejat. Per un aute biais, era reduccion d’un 50% en forfait intersetmanau pèrd tot interès.
Pendent era amassada eth sindic d’Aran, Carlos Barrera volec soslinhar que toti an d’enténer que Baqueira Beret ei ua empresa que non compde damb finançament public a diferéncia dera magèr part des estacions d’esquí de Catalunya que òc que ne receben e per tant toti es ajustaments economics que hè s’an d’avalorar coma un esfòrç laguens deth sòn esperit d’empresa que se considère aranesa.

No hay comentarios: